ललितपुरलाई सडेन डेथमा हराउँदै नुवाकोट फाइनलमा,उपाधिको लागि मकवानपुरसँग खेल्ने

नुवाकोट, नुवाकोटमा जारी आठौ राष्ट्रिय खेलकुद प्रतियोगिता अन्र्तगत पुरुष फुटवलमा नुवाकोट ललितपुरलाई सडेन डेथमा पराजित गर्दै फाइनल प्रवेश गरेको छ ।

सोमवार सम्पन्न खेलमा नुवाकोट ललितपुरलाई पराजित गर्दै फाइनलमा प्रवेश गरेको हो । निर्धारित समयमा खेल १÷१ गोलको वरावरीमा सकिएपछि खेल ट्राईवेकरमा पुगेको थियो । खेको निर्धारित समयमा नुवाकोटका जर्सि न ८ का सन्तोष थापा र ललितपुरका जर्सि न १६ का कुशल श्रेष्ठले गोल गरेक थिए । तर त्यसपछि कुनै गोल भएन र खेल ट्राईवेकरमा धकेलिएको थियो ।

तर ट्राईवेकरमा पनि ४÷४ गोलको बरावरीमा सकिएपछि खेद सडेन डेथमा धकेलिएको हो । सडेनडेथमा नुवाकोटको सबै प्रहार गोलमा परिणत हुँदा ललितपुर एक प्रहार विफल भएको थियो । फाइनलमा पुगेको नुवाकोटले उपाधिका लागि मकवानपुरसँग प्रतिष्पर्धा गर्नेछ । फाईनल खेल मंगलबार नुवाकोट आर्दश बहुमुखी क्याम्पसको खेल मैदान बट्टारमा हुनेछ ।