मुअब्जाको माग गर्दे सङ्घर्ष समिति भौतिक मन्त्रालय र प्रधानमन्त्रि कार्यलय जाँदै

विदुर÷गल्छी–त्रिशूली–मैलुङ–स्याफ्रु–रसुवागढी सडक आयोजना अन्तर्गत पिपलटारदेखि ढुङ्गेसम्मका स्थानिय प्रभावितले आयोजनाको सम्पुर्ण काजगपत्र आफुहरुलाई दिन माग गरेका छन ।

मुआब्जा सङ्घर्ष समितिले मंसिर १ गते आयोजनाका प्रमुख सुवोधकुमार देवकोटालाई भेटि आयोजनाको सम्पुर्ण कागजपत्र माग गरेको मुअब्जा संघर्ष समितिका उपसंयोजक गीता अमात्यले बताइन । संघर्ष समितिका उपसंयोजक गीता अमात्यका अनुसार आयोजनाले मंगलबार साँझ ५ बजेसम्म कागजात उपलब्ध गराउने बताउँदा समेत अझै उपलब्ध भएको छैन ।

सङ्घर्ष समितिले सो कागजपत्र भौतिक मन्त्रालय र प्रधानमन्त्रि कार्यलयमा लगेर छलफल गर्ने तयारी गरिएको बुझिएको छ । आयोजनाले आफुहरुलाई उठीबास बनाउँने भन्दै पिडितहरुले मुब्जा दिनुको कुनैपनि विकल्प नभएको बताएका छन । संघर्ष समितिका संयोजक लिलानाथ न्यौपानेले आफुहरुले मुअब्जाको लागि अहिले शाान्तिपुर्ण विरोध कार्यक्रम गरिरहेको बताए । उनले शान्तिपुर्ण विरोधका कार्यक्रम गर्दा पनि शुनुवाई नुवाकोट नै ठप्प पारिदिने यसअघि नै चेतावनि समेत दिइसकेका छन । तर आयोजनाले भने विसं २०३४ को राजपत्रमा पासाङल्हामु मार्गको बालाजु–ककनी–त्रिशूली खण्डको सडक सीमा सडकको केन्द्रबाट दायाँबायाँ १५÷१५ मिटर तोकिएका कारण मुआब्जा दिन नमिल्ने बताए ।

यसैबिच सडक आयोजनाले प्रभावित स्थानिबासीहरुलाई मुअब्जा दिन नसकिने बताइँरहदा मुआब्जा सङ्घर्ष समिति,सम्बाद समूह नुवाकोट र बिदुर नगरपालिकाको संयुत्त टिमले जिल्लाबाट संघिय संसदमा र प्रदेश संसदमा प्रतिनिधित्व गर्ने सांसदहरुबिच छलफल गर्ने,भौतिक योजना मन्त्रालय र प्रधानमन्त्रि कार्यलयमा छलफलको लागि जाने तयारी भइरहेको संवाद समुह नुवाकोटका सन्तोष खनालले बताए ।