विदुर नगर प्याब्सनको पुर्ण बैठक सम्पन्न

नुवाकोट । निजी तथा आवासीय विद्यालय अर्गनाइजेस (प्याब्सन) विदुर नगर कार्यसमितिको पुर्ण बैठक सम्पन्न भएको छ ।

बैठकले गुणस्तरीय शिक्षाका साथै आफ्ना बालबालिकाहरुको उज्ज्वल भबिस्यको लागि निजि बिद्यालयमा भर्ना गर्ने सम्पुर्ण अभिभावकलाई आभार व्यक्त गरेको छ । यस्तै बैठकले निजि विद्यालयहरुमा भर्ना अभियान चलिरहेको भन्दै आफुलाइ पाएक पर्ने निजि बिद्यालयमा आफ्ना बालबालिकाहरुलाई भर्ना गर्न अनुरोध गरेको विदुर नगर प्याब्सनका अध्यक्ष रामराजा कुमालले जानकारी दिए ।

उनले उच्च शिक्षा हासिल गर्न सामुदायिक विद्यालयबाट मात्र एसइई उतीर्ण गरेका विद्यार्थीहरुले छात्रवृत्ति पाउने भन्ने दुविधा रहेकोमा त्यो अवस्था नरहेको बताए ।

अध्यक्ष कुमालले पछिल्लो पटक सर्बोच्च अदालतको ब्याख्याले सम्पुर्ण विद्यार्थीहरुले क्षमताको आधारमा छात्रवृत्ति पाउने व्यवस्था रहेको भन्दै ढुक्क भएर निजि विद्यालयमा विद्यार्थी भर्ना गर्न आग्रह गरे ।

विदुर नगरपालिकाले सन्चालन गरेको आधारभुत तह कक्षा ८ र कक्षा ५ को परिक्षामा निजि बिद्यालयमा अध्ययनरत विद्यार्थीहरुले उत्कृष्ट नतिजा ल्याएको भन्दै उत्कृष्ट हुने विद्यार्थी र अभिभावकलाई आगामी विशेष कार्यक्रममा सम्मान गर्ने निर्णय समेत बैठकले गरेको छ ।

बैठकले आधरभुत तह कक्षा ८ र ५ को ग्रेडवृद्धि परिक्षा अनिश्चतकालको लागि स्थगित भएकोले सम्बन्धित निकायसँग तत्काल परिक्षा गर्नुपर्ने माग समेत राखेको छ । बैठकले विद्यार्थीहरुको अन्तरनिहित क्षमता प्रस्फुटन गर्न विभिन्न अतिरिक्त क्रियाकलाप गर्ने निर्णय समेत गरेको छ ।

विदुर प्याब्सनले आगामी वैशाख २० गतेसम्म भर्ना अभियान जारी राख्ने र भर्नामा विशेष छुट दिने बताएको छ ।