गुडविल एकेडेमीको वडाध्यक्ष न्यौपानेलाई सम्मान

नुवाकोट । विदुर नगरपालिका वडा नम्बर ५ पिपलटारमा रहेको गुडविल एकेडेमीले वडाध्यक्षलाई लिलानाथ न्यौपानेलाई सम्मान गरेको हो ।

विद्यालयमा बिहीबार आयोजित अभिभावकहरुलाई जीवन जीउने कला प्रशिक्षण कार्यक्रममा वडाध्यक्ष न्यौपानेलाई विद्यालयका अध्यक्ष शिवप्रसाद गजुरेलले सम्मान गरेका हुन् ।

सामुदायिक र निजि संस्थागत विद्यालयमा रहेको विभेद न्युन गर्न तथा वडाभित्र रहेका विद्यालयले एसईईमा उत्कृष्ट नतिजा ल्याउँदा सम्मान गरेको भन्दै वडाध्यक्ष न्यौपानेलाई सम्मान गरिएको विद्यालयका प्रध्यानाअध्यापक रामराजा कुमालले जानकारी दिए ।

यस्तै विद्यालयले अभिभावकहरुलाई जीवन जीउने कला सम्बन्धी समेत प्रशिक्षण दिएको छ । कार्यक्रममा मनोपरामर्शदाता ईश्वर श्रेष्ठले प्रशिक्षण दिएका थिए ।

उनले विद्यालयले दिने शिक्षा, संस्कारका साथै शिक्षकहरुको मानसिक अवस्था र अभिभावकले लिनुपर्नै जिम्मेवारीको विषयमा जानकारी दिएका थिए ।

कार्यक्रममा विभिन्न सरोकारवालाहरुको उपस्थिति रहेको थियो ।