तीनकुनेमा तोडफोड गर्ने नुवाकोटका राई पक्राउ

नुवाकोट । गत शुक्रबार काठमाडौंको तीनकुनेमा भएको राजावादीको प्रदशर्नका क्रममा तोडफोड र आगनजीमा संलग्न रहेको आरोपमा नुवाकोटका एक सहित थप सातजनालाई प्रहरीले पक्राउ गरेको छ ।

निषेधित क्षेत्र तोड्ने नाममा प्रहरीमाथि ढुङ्गामुढा, लाठी, फलामका रड, घरेलु हतियार समेतले सुरक्षाकर्मीलाई आक्रमण र हातहतियार समेत खोस्ने काममा संलग्न रहेका उनीहरूलाई काठमाडौंका विभिन्न स्थानबाट नियन्त्रणमा लिइएको प्रहरीले जनाएको छ ।

पक्राउ पर्नेमा नुवाकोटको बेलकोटगढी नगरपालिका वडा नम्बर ७ का २७ वर्षिय रमेश राई रहेको प्रहरी जनाएको छ ।

उनीहरूले दलका कार्यालय तथा नेताको निजी निवास, अस्पताल, प्रहरी कार्यालय, व्यापारिक केन्द्र, नेपाल आयल निगमको इन्धन भण्डारणस्थल, नागरिक उड्यन प्राधिकरणको कार्यालय र अन्तराष्ट्रिय विमानस्थलको बाहिरी कम्पाउण्डमा तोडफोड, आगजनीमा संलग्न रहेको प्रहरीको भनाइ छ ।

जिल्ला प्रहरी परिसर काठमाडौंका प्रवक्ता एपसपी अपीलराज बोहराका अनुसार ।उनीहरू सबैलाई काठमाडौं जिल्ला अदालतबाट ७ दिनको म्याद थप गरी अनुसन्धान भइरहेको छ ।

उनीहरूमध्ये एकजनालाई राज्यविरुद्धको अपराध अभियोगमा मुद्दा चलाइने भएको छ । बाँकी ६ जनालाई अपराधिक उपद्रव कसूर अन्तर्गत मुद्दा चलाउन लागिएको बोहराले बताए ।