नुवाकोटमा राप्रपाको मसाल जुलुस प्रर्दशन

नुवाकोट । नुवाकोटमा राप्रपा नेपालले मसाल जुलुस निकालेको छ ।

राष्ट्रिय प्रजातन्त्र पार्टीका वरिष्ठ उपाध्यक्ष धवलशमशेर राणासहित पार्टीको नेता–कार्यकर्ता पक्राउ गरिएको विरोधमा राष्ट्रिय प्रजातन्त्र पार्टी नुवाकोटले बट्टार बजारमा मसाल जुलुस निकालेको हो ।

पार्टीका जिल्ला अध्यक्ष कुल वहमादुर खड्गीका अनुसार सरकारले ज्यादती गर्दै पार्टीका शीर्ष नेता कार्यकर्तालाई पक्राउ गरेको विरोधमा जुलुस निकालिएको हो ।
खड्गीले नुवाकोटको बट्टार बजारमा मसाल जुलुस निकालिएको जानकारी दिए ।

खड्गीले भने, ‘सरकारले राजसंस्थाप्रति सद्भाव राख्ने नेताहरुलाई पक्राउ गरी थुन्ने कार्य गरेकोमा आपत्ति छ । हाम्रा नेता धवलशमशेर राणा, रवीन्द्र मिश्रसहित सबैको यथाशीघ्र रिहाइको माग गर्दछौँ ।

मसाल जुलुस निकाल्ने क्रममा बट्टारमा धेरै मात्रामा सुरक्षाकर्मी परिचालन गरिएको थियो भने केहीबेर झडपको अवस्था सिर्जना भएको थियो ।

जिल्लामा कुनैपनि र्दुघटना हुन नदिन भन्दै प्रशासनले धेरै शसस्त्र प्रहरी र जनपथ प्रहरी परिचालन गरिएको थियो ।