भाटभटेनीमा लुटपाट गर्ने नुवाकोटकी कुमाल पक्राउ

नुवाकोट । काटेश्वरस्थित भाटभटेनी सुपरमार्केटमा राजावादीहरुको प्रदर्शनको क्रममा शुक्रबार भएको लुटपाटमा संलग्नलाई प्रहरीले पक्राउ गरेको छ ।

प्रहरी वृत्त बानेश्वरका अनुसार पक्राउ पर्नेहरूमा नुवाकोटको विदुर नगरपालिका वडा नम्बर ६ की ४३ वर्षीया सुशीला कुमाल रहेकी छिन् ।

त्यस्तै धरानकी ४१ वर्षीया एलिसा राई, तथा कोटेश्वरकी ७० वर्षीया बालकुमारी कार्की रहेका छन् ।

त्यसैगरी, सिन्धुपाल्चोक चौतारा साँगाचोकगढी नगरपालिका–८ की ३७ वर्षीया निर्मला कार्की, सिन्धुली लामुनटार गाउँपालिका–७ की १५ वर्षीया चित्रमाया बस्नेत, र सिन्धुली तीनपाटन गाउँपालिका–१६ की १७ वर्षीया सुस्मिता बराललाई कोटेश्वर नरेफाँटबाट पक्राउ गरिएको प्रहरीले जनाएको छ ।

अन्यको खोजी भइरहेको प्रहरीको भनाइ छ ।