सिर्जनशील क्लबले दाङसिङमा ल्होछार कार्यक्रम गर्ने

नुवाकोट । तामाङ समुदायले नयाँ वर्षको रुपमा माघ शुक्ल प्रतिपदाका दिन मनाउने सोनाम ल्होछार यो वर्ष भव्य रुपमा मनाइने भएको छ ।

सिर्जनशील समाज सुधार युवा क्लब तारकेश्वर गाउँपालिका वडा नम्बर १ दाङसिङको आयोजनामा माघ २६ गते सोनाम ल्होछार मनाउन लागिएको क्लबका सचिव रोनिस लामा तामाङले जानकारी दिए ।

ल्होछार कार्यक्रम तारकेश्वर गाउँपालिका वडा नम्बर १ को दाङसिङमा रहेको जब्बरे चौरको खेलमैदान हुने बताइएको छ ।

वि.स.२०७४ सालमा स्थापना भएको सिर्जनशील समाज सुधार युवा क्लबले स्थापनाकालदेखि नै विभिन्न सामाजिक कामहरु गर्दै आएको छ ।

यस वर्षको पर्वमा सरकारले देशभर सार्वजनिक बिदा दिएको छ ।