नुस्कुनको चौथो वार्षिक साधारणसभा सम्पन्न

नुवाकोट । नुवाकोट जिल्ला बचत तथा ऋण सहकारी संघ लिमिटेड (नुस्कुन) को चौथो वार्षिक साधारणसभा शनिवार  सम्पन्न भएको छ ।

शनिवार सहकारी संघको साधारणसभाको उद्घाटन गर्दै नेपाल बचत तथा ऋण केन्द्रीय सहकारी संघ (नेफ्स्कुन) का अध्यक्ष चन्द्रप्रसाद ढकालले हाल देशका केही सहकारीहरुमा समस्या देखिएको भन्दै त्यसको समाधानका बाटाहरु खोज्नुपर्ने भनाई ।

उनले राज्यले ल्याएका नीति तथा कानुनहरु प्रत्युपादक भए सच्चाउनुपर्ने बताए । सहकारी समुदायभित्र रहने भएकोले सबैले सर्वाेपरि हित हुने काम गर्नुपर्ने बताए ।

साधारणसभामा संचालक समितिको तर्फबाट अध्यक्ष नारायण श्रेष्ठले प्रतिवेदन पेश गर्दै नुस्कुनलाई एउटा नमुना विषयगत संघको रुपमा स्थापित गर्न नीति, विधि र प्रविधिलाई उपयोग गरि काम गर्ने बताए ।

उनले आर्थिक वर्ष २०८०÷८१ सम्ममा संस्थाको शेयर पूजी १५ लाख ५५ हजार पुगेको जानकारी दिए ।

यस्तै साधारणसभामा कोषाध्यक्षको तर्फबाट आर्थिक वर्ष २०८०÷८१ को लेखा परिक्षण प्रतिवेदन तथा आर्थिक वर्ष २०८१÷८२ को अनुमानित आय व्यय विवरण प्रस्तुत गर्दे कोषाध्यक्ष रामराजा श्रेष्ठले संघले एक लाख ८५ हजार ३ सय ६६ रुपैयाँ आम्दानी गरि एक लाख ७० हजार ९ सय १ रुपैयाँ खर्च गर्दै कल १४ हजार ४ सय ६४ रुपैया नाफा संकलन गरेको बताए ।

संघले १७ लाख ७८ हजार ४३ रुपैयाँ निक्षेप संकलन गरि २२ लाख १५ हजार ३ सय ४२ रुपैयाँ ऋण लगानी गरेको छ । आर्थिक वर्ष २०८०÷८१ सम्ममा संस्थाको शेयर लगानी एक लाख २० हजार रुपैयाँ रहेको छ ।

नुवाकोट जिल्ला बचत तथा ऋण सहकारी संघ लिमिटेडमा हाल २० सदस्य संस्थाहरु आबद्ध रहेका छन् ।