शुभ–प्रभात सहकारीको १७ औ वार्षिक साधारणसभा सम्पन्न

नुवाकोट । विदुर नगरपालिका वडा नम्बर २ ईन्द्रचोकमा रहेको शुभ–प्रभात बचत तथा ऋण सहकारी संस्था लिमिटेडको सत्रौँ वार्षिक साधारणसभा शनिवार सम्पन्न भएको छ ।

साधारणसभामा सहकारीको वार्षिक प्रगति प्रतिवेदन प्रस्तुत गर्दै अध्यक्ष महेन्द्रलाल श्रेष्ठले देशमा आएको आर्थिक मन्दीका कारण संस्थाले गर्ने बचत तथा ऋण कारोवारमा चुनौती थपिदै गएको बताए ।

उनले दुई हजार ५ सयबाट शुरु गरेको संस्था शेयर पूंजी २०८१ असार मसान्तसम्म २ करोड एक लाख ७० हजार ३ सय पुगेको बताए । अध्यक्ष श्रेष्ठले नयाँ वर्ष २०८२ को शुरुवातबाटै संस्थाको कारोवार आफ्नै भवनबाट हुने समेत बताए । सहकारीले गत वर्ष अनुमान गरिएभन्दा केही न्युन निक्षेप संकलन गरेको अध्यक्षको प्रतिवेदनमा उल्लेख गरिएको छ ।

यस्तै साधारणसाभामा २०८०/८१ को लेखा परिक्षण प्रतिवेदनका साथै आर्थिक वर्ष २०८१/८२ को अनुमानित आयव्यय र निति तथा कार्यक्रम प्रस्तुत गर्दै कोषाध्यक्ष रामराजा श्रेष्ठले सहकारीले ८ लाख ६ हजार ६ सय ४ रुपैयाँ नाफा कमाउन सफल भएको बताए ।

सहकारीले १९ करोड ५९ लाख ६८ हजार एकसय २३ रुपैयाँ निक्षेप संकलन गरि १४ करोड ८२ लाख ३९ हजा। ३ सय ७८ रुपैयाँ ऋण लगानी गरेको उनले बताए ।

सहकारीमा ३ करोड ३१ लाख ८१ हजार २ सय ४९ रुपैयाँ रहेकोले तरलता रकम पर्याप्त मात्रामा देखिएको छ ।

त्यस्तै साधारणसभामा लेखा समितिको प्रतिवेदन प्रस्तुत गर्दे लेखा सुपरिवेक्षण समितिका संयोजक रविन डंगोलले सहकारीले कर्मचारी प्रशासन नियमावली पारित गरि प्रयोगमा ल्याउन सुझाव दिए । उनले समस्याग्रस्त ऋण अशुलीमा विशेष ध्यान दिनुपर्नेमा समेत जोड दिए ।

यस्तै ऋण उपसमितिका संयोजक विश्व प्रल्हाद श्रेष्ठले सहकारीले लगानी गर्दा विशेष ध्यान दिनुपर्ने बताए ।

साधारणसभाको अवसर पारेर सहकारीले भैरवी माध्यामिक विद्यालयको कक्षा १२ मा अध्ययनरत छात्र कुशल भट्टलाई नगदसहित सम्मान गरेको छ ।

यस्तै सहकारीले उत्कृष्ट बचतकर्ता र उत्कृष्ट ऋणीलाई समेत सम्मान गरेको छ ।

साधारणसभाले आर्थिक वर्ष २०८१/८२ को लागि अनुमानित आय व्यय र निति तथा कार्यक्रमहरु पास गरेको छ ।