बेत्रावतीमा पुसे औंसी श्राद्ध गर्नेको भिड

नुवाकोट । नुवाकोट र  रसुवाको सिमानामा पर्ने बेत्रावतीस्थित उत्तरगयाधाममा सोमबार बिहानैदेखि पुसे औंसी श्राद्ध गर्नेहरूको भिड लागेको छ ।

त्रिशूली र फलाखु खोलाको संगमस्थल उत्तरगयामा पुसे औंसीका दिन बर्सेनि हजारौं श्रद्धालुहरुले दिवंगत आफ्ना पितृका नाममा श्राद्ध, दान, तर्पण दिने गर्छन् ।

उत्तरगया क्षेत्रमा टाढा–टाढादेखि श्राद्ध गर्न आएका हजारौं भक्तजनहरुको भिड लागेको हो । भारतका विभिन्न प्रान्तदेखि, काठमाडौं, धादिङ, काभ्रे, चितवन, कास्की, नवलपरासी, मकवानपुर, गोरखा, पर्सालगायत विभिन्न जिल्लाबाट बर्सेनि हजारौं भक्तजनहरु श्राद्ध गर्न आउने गर्छन्