तारकेश्वर गाउँपालिकाको काभ्रेमा घर घरमा धारा

नुवाकोट । नुवाकोटको तारकश्वर गाउँपालिका वडा नम्बर ५ काभ्रेको एकसय ११ घरको धारा उद्घाटन भएको छ ।

गाउँपालिकाका अध्यक्ष शिव अधिकारीले एक घर एक धारा’को उद्घाटन गरेका हुन् । लिभिङ वाटर नेपालद्वारा गाउँपालिकाको सहजीकरणमा ‘एक घर एक धारा’ कार्यक्रम अन्तर्गत माथिल्लो काभ्रेका ६८ र तल्लो काभ्रेका ४३ गरी एकसय ११ घरमा निर्माण गरिएको खानेपानी धाराको आजे उद्घाटन गरिएको हो ।

घरघरमै धारा निर्माण भएपछि काभ्रेबासीले कार्यक्रममा उत्साहित भएका हुँदै खुसी व्यक्त गरेका छन् ।

कार्यक्रममा गाउँपालिकाका अध्यक्ष अधिकारीले नागरिकको सहजताका लागि सामाजिक संस्थाहरुसँग सहकार्य गर्दै अघि बढ्ने बताए । उनले खानेपानी र धारोको मर्मतसम्भारका लागि आगामी वर्षदेखि आवश्यक बजेट विनियोजन गर्ने प्रतिबद्धता समेत जनाए ।

अध्यक्ष अधिकारीले आफु अध्यक्ष हुनुअघि पनि विभिन्न सामाजिक संघसंस्थासंग सहकार्य गरि सामाजिक कार्य गरेको स्मरण गर्दै आगामी दिनमा सबै सरोकारवाला निकायहरुसँग मिलेर काम गर्ने बताए ।