बागमती प्रदेश लिग : बट्टारले टाईगरटिमसँग प्रतिष्पर्धा गर्दे

नुवाकोट । मकवानपुरको हेटौंडामा जारी दोश्रो बाग्मती प्रदेश लिग फुटबल प्रतियोगितामा आज बट्टार युथ क्लबले दोलखाको टाईगरटिमसँग प्रतिष्पर्धा गर्दै छ ।

हेटौंडास्थित पिप्ले क्याम्पा खेलमैदानमा दिउँसो साढे १२ बजे हुने खेलमा बट्टार युथ क्लब जीत हात पार्दे सेमिफाईनल प्रवेश गर्ने रणनीतिको साथ मैदानमा उत्रनेछ ।

यस्तै दोलखाको टाईगरटिम पनि जीत हात पार्दे प्रतियोगितामा सुखद शुरुवात गर्न चाहान्छ ।

प्रदेश लिगमा बाग्मति प्रदेशका ११ जिल्लाका क्लबहरु सहभागि रहेका छन् । प्रतियोगिता लिगकम नकआउटका आधारमा संचालन हुनेछन् ।
प्रतियोगिताको बिजेता दुई लाख र उपविजेताले एक लाख नगद पुरस्कारसहित शिल्ड, मेडल र प्रमाणपत्र प्राप्त गर्नेछन् ।

प्रतियोगिताको फाईनल पुग्ने दुई टिमले एन्फाले आयोजना गर्ने राष्ट्रिय फुटबल लिगमा सहभागिता जनाउने बाग्मति प्रदेश फुटवल संघका महासचिव सुरज श्रेष्ठले जानकारी दिए ।