प्रदेश लिग खेल्न बट्टार युथ क्लबको खेलाडी छनोट

नुवाकोट । बट्टार युथ क्लबले आगामी महिना हुने बाग्मति प्रदेशस्तरीय फुटवल प्रतियोगिताको लागि खेलाडी छनोट गरेको छ ।

क्लबले एक कार्यक्रमको आयोजना गरि जिल्लाको विभिन्न क्लबबाट प्रतिनिधित्व गर्नै खेलाडीहरु मिलाएर १८ जना खेलाडी छनोट गरेको क्लबका अध्यक्ष सुरज श्रेष्ठले विदुर खबरलाई जानकारी दिए ।

छनोट भएका खेलाडीहरुमा सन्तोष थापा, सन्तोष भुजेल, विकास लामिछाने, अजय वाईवा, सागर दर्जी, शैलेन्द्र थापामगर, राजेन्द्र तामाङ र लक्पा तामाङ रहेका छन् ।

यस्तै अन्य खेलाडीहरुमा सन्तोष श्रेष्ठ, जीवन विके, सुरेश तामाङ, राम तामाङ, किशोर पण्डित, नन्दराज श्रेष्ठ, सन्देश सडौला, समिर तामाङ, रविन मगर र पुर्ण वहादुर थापा रहेका छन् ।

छनोट भएका खेलाडीहरुलाई प्रदेश लिगको लागि प्रशिक्षण शुरु गरिने क्लबका अध्यक्ष श्रेष्ठले जानकारी दिए ।

नुवाकोट जिल्ला लिगको उपाधि जितेर बट्टार युथ क्लब बाग्मति प्रदेश लिगमा सहभागिता हुन लागेको हो ।

बाग्मति प्रदेशस्तरीय लिगमा बट्टार युथ क्लबले उपाधि जित्ने लक्ष्य लिएको छ ।