नुवाकोटको त्रिशुलीमा छठको रौनक (फोटोहरु)

नुवाकोट । नुवाकोटको विदुर नगरपालिका वडा नम्बर १ को त्रिशुलीमा छठ पर्वको मुख्य दिन आजसाँझ ब्रतालुले अस्ताउँदो सूर्यको पूजा आराधना गरी अर्घ दिएका छन् ।

बिहीबार त्रिशुलीको छठघाटमा पुगेका ब्रतालुले छठको पूजा गरी सूर्यको उपासना गरेका छन् । बिहीबार सूर्यास्तअघि नै ब्रतालुहरु त्रिशुलीको छठघाटमा पुगेर छठघाट सजाइसकेका थिए । त्यसपछि अस्ताउँदो सूर्यलाई अर्घ दिए ।

कतिपय ब्रतालु बिहीबार रातभर जाग्राम बसेर भोलि बिहान उदाउँदो सूर्यलाई अर्घ दिन्छन् ।

नुवाकोटमा बसोबास गर्दै आएका तराईबासीले यहीँका छठघाटमा पूजा आराधना गर्दै आएका छन् । नुवाकोटको त्रिशुली नदिको विभिन्न स्थानमा छठ पूजास्थल बनाउनुको साथै छठपूजा गरिएको छ ।