वडा कार्यालयको उत्कृष्ट विद्यार्थीलाई सम्मान

नुवाकोट । विदुर नगरपालिका वडा नम्बर ५ को वडा कार्यालयले वडाभित्र रहेका विद्यालयबाट एसइईमा उत्कृष्ट नजिता हासिल गरेका विद्यार्थीहरुलाई नगदसहित सम्मान गरेको छ ।

१३ औ अन्तरााष्ट्रिय बालिका दिवसको अवसर पारेर विदुर नगरपालिका वडा नम्बर ५ को कार्यालयको आयोजना तथा च्वाडी पब्लिक मावि, संस्कृत मावि, चन्द्रज्योति मावि र गुडविल एकेडेमीको समन्वय तथा रुमटु रिड र रुडेक नेपालको सहकार्यमा आयोजना भएको कार्यक्रममा गत वर्षको एसइई परिक्षामा उत्कृष्ट भएका विद्यार्थीहरुलाई नगदसहित सम्मान गरिएको हो ।

नगदसहि सम्मानित हुने विद्यार्थीहरुमा ए प्लस ल्याउने ७ जना र ए ग्रेड ल्याउने १० जना रहेका छन् । ए प्लस ल्याउने विद्यार्थीहरुलाई १० हजार रुपैयाँ र ए ल्याउने विद्यार्थीहरुलाई ३ हजार रुपैयाँ सहित सम्मान गरिएको विदुर नगरपालिका वडा नम्बर ५ का वडाध्यक्ष लिलानाथ न्यौपानेले जानकारी दिए ।

ए प्लस ल्याएर सम्मानित हुने विद्यार्थीहरुमा स्वस्तिका अधिकारी, अंशु अधिकारी, निशा कुमारी, नेमिका श्रेष्ठ , रोजिना दाहाल, राजु कुमाल र आशिका वस्ती रहेका छन् । त्यस्तै ए ग्रेड ल्याएर सम्मानति हुनेमा श्याम तामाङ, सविना मिजार, यसोदा घिमिरे, सुगिना रिमाल र निशान अर्याल रहेका छन् । यस्तै सदिक्षा श्रेष्ठ, ऋचा अर्याल, प्रतिभा पाण्डे, सन्देश वराल र सुवमन वस्नेत रहेका छन् ।

यसअघि कार्यक्रमको उद्घाटन गर्दै विदुर नगरपालिकाका मेयर राजन श्रेष्ठले नगरपालिकाले शिक्षा क्षेत्रमा धेरै लगानी गरेकोले नतिजा सन्तोषजनक आएको बताए । उनले नगरपालिकाले कक्षा ८ को परिक्षा नगरपालिका लिएपछि विद्यार्थी, शिक्षक र अभिभावकहरुमा चेतना आएको बताए ।

कार्यक्रममा वडा कार्यालयले आयोजना गरेको वक्तृत्वकला प्रतियोगिताको विजेताहरुलाई समेत कपि र पेनसहित सम्मान गरिएको थियो ।
जसमा चन्द्रन्योती माविका पर्वत पाण्डे प्रथम भएका थिए भने च्वाडीकी रन्जिता मानन्धर दोस्रो र शहिद जगत प्रकाश जंग संस्कृत माविका कृसला नेपाल तेस्रो भएकी थिइन् । प्रथम भएका पाण्डेले ९ ओटा कपि र ९ वट्टै डटपेन प्राप्त गरेका थिए भने दोस्रो भएकी मानन्धरले ७ ओटा कपि र ७ वट्टै डटपेन र तेस्रो भएकी नेपालले ५ ओटा कपि ५ ९ वट्टै डटपेन पाए । सान्त्वना भएकी युनिका अधिकारीले ४ ओटा कपि र ४ वट्टै पेन पाएकी थिइन् ।

बक्तृत्वकला प्रतियोगितामा ९ जनाले सहभागिता जनाएका थिए ।

कार्यक्रममा विदुर नगरपालिकाकी उपमेयर प्रभा बोगटी , प्रमुख प्रसाकिय अधिकृत शोभाकर पराजुली तथा अन्य सरोकारवालाहरुको उपस्थिति रहेको थियो ।