टोखा–छहरे सडकखण्डमा हाईलक्स र्दुघटना हुँदा ६ जना घाईते

नुवाकोट । नुवाकोटको शिवपुरी गाउँपालिका वडा नम्बर ८ काफलडाँडामा हाईलक्स र्दुघटना हुँदा ६ जना घाइते भएका छन् ।

काठमाण्डौबाट लमजुङ तर्फ जाँदै गरेको बा १४ च ३८५४ नम्बरको (पिपुल्स हाईड्रोपावर कम्पनि ) को हाईलक्स विहान ८ बजेतिर आफै अनियन्त्रित भई र्दुघटनामा परेको जिल्ला प्रहरी कार्यालय नुवाकोटले जनाएको छ ।

हाईलक्स सडकबाट झण्डै ५० मिटर तल खोल्सामा खसेको नुवाकोटका डिएसपी तिलक भारतीले जानकारी दिए ।

र्दुघटनामा परि घाइते हुनेहरुमा सवारी चालक काठमाण्डौको तारकेश्वर नगरपालिका वडा नम्बर १ का ४६ वर्षिय विश्वनाथ अधिकारी, तारकेश्वर ९ मनमैजुका रामशरण अधिकारी, सोही स्थानका हरिकला खनाल, गायत्री खनाल, उपेन्द खनाल र नुवाकोट घर भई हाल काठमाण्डौको आगर्जुन नगरपालिका वडा नम्बर ३ बस्ने चन्द्रनाथ शर्मा रहेका छन् ।

घाइतेमध्ये रामशरण अधिकारीको अवस्था गम्भीर रहेको छ भने अन्यको अवस्था सामान्य रहेको छ ।

उनीहरुलाई उद्दार गरी थप उपचारको लागि काठमाण्डौ पठाईएको जिल्ला प्रहरी कार्यालय नुवाकोटका डिएसपी तिलक भारतीले जानकारी दिए ।