सडक छिटो मर्मत गर्न अध्यक्ष अधिकारीको निर्देशन

नु्वाकोट । ताकेश्वर गाउँपालिकाका अध्यक्ष शिव अधिकारीले गाउँपालिका भित्रका सबै सडकको मर्मतसंहार र सरसफाइ कार्य द्रुतगतिमा सम्पन्न गर्न निर्देशन दिएका छन् ।

शुक्रवार बसेको गाउँपालिकाको बैठकमा बोल्दै अधिकारीले गत साताको भारी वर्षाले क्षति पुर्याएका सडक लगायत गाउँपालिका भित्रका सबै सडक तत्काल मर्मत गर्न निर्देशन दिएका हुन् ।

दसैंका लागि आवागमन सहज गर्न मर्मत र सरसफाइको काम सुरु गरिएको जानकारी दिँदै अध्यक्ष अधिकारीले आआफ्नो वडामा सक्रियतापूर्वक खटिएर द्रुत गतिमा काम सम्पन्न गर्न सबै वडाध्यक्षहरुलाई निर्देशन दिए ।

अध्यक्ष अधिकारीले समृद्ध तारकेश्वर निर्माणको अभियान सफल पार्न सबै मिलेर अघि बढ्नुपर्ने बताउँदै राजनीतिक आग्रह पूर्वाग्रहलाई बिर्सेर विकासका काममा हातेमालो गर्न सबै दलका जनप्रतिनिधिहरुलाई आग्रह समेत गरे ।