नुवाकोटमा घटस्थापनाबाट अग्रिम टिकट बुकिङ खुल्ला हुने

नुवाकोट । नुवाकोटमा दसैँका लागि लक्षित गरी असोज १७ गतेदेखि अग्रिम टिकट बुकिङ खुल्ला हुने भएको छ ।

नमस्ते पासाङल्हामु यातायात प्रालिले एक सुचना जारी गर्दे दशैँको लागि असोज १७ गते घटस्थापनाको दिनदेखि अग्रिम टिकट बुकिङ खुल्ला गर्ने बताएको हो ।

काठमाडौँमा अध्ययन, व्यापार व्यवसाय, रोजगारीका लागि आएका चाडपर्व मनाउन घर जानेलाई लक्षित गरेर अग्रिम टिकट बुकिङ खुला गर्न लागिएको यातायात व्यवसायीहरुले बताएका छन् ।

हरेक वर्ष दसैँ मनाउनका लागि राजधानी काठमाडौँबाट २० लाखको हाराहारीमा यात्रु उपत्यकाबाट बाहिरिने गरेका छन् ।

सरकारले लामो तथा मध्यम दूरीका यात्रुका लागि अग्रिम टिकट बुकिङ खुला गरिसकेको छ ।