खोलाले बगाएर बेपत्ता भएकी अधिकारी मृत अवस्थामा भेटिइन्

नुवाकोट । खोलाले बगाएर बेपत्ता भएकी होमकुमारी अधिकारी मृत अवस्थामा भेटिएकी छिन् ।

सोमवार विहान दुप्चेश्वर गाँउपालिका वडा ६ मा अवस्थित प्रसिद्ध दुप्चेश्वर महादेव मन्दिरको दर्शन गर्नुपूर्व स्नानको क्रममा खोलाले बगाउँदा अधिकारी बेवत्ता भएकी थिइन् ।

बेपत्ता भएकी उनलाई आज विहान ७ बजे दुप्चेश्वर गाँउपालिका वडा नम्बर ६ गौडापुल स्थित तादी खोलाको ढुङगामा अडकेको अबस्थामा मृत शव फेला परेको प्रहरीले जनाएको छ ।

प्रहरी चौकी समुन्द्रटार र इलाका प्रहरी कार्यालय खरानिटाबाट प्रहरी अधिकृत सहितको टोलीले स्थानीय मानिसहरुको सहयोग लिई खोजतलास गर्ने उनी मृत अवस्थामा भेटिएको जिल्ला प्रहरी कार्यालय नुवाकोटका सूचना अधिकारी तथा प्रहरी नायब उपरिक्षक तिलक भारतीले जानकारी दिए ।