नुवाकोटका थापाको घरको छतबाट खसेर मृत्यु

नुवाकोट । नुवाकोटको पन्चकन्या गाउँपालिकाका एक जनाको रङ लगाउने क्रममा घरको छतबाट खसेर मृत्यु भएको छ ।

काठमाडौंको चन्द्रागिरि नगरपालिका वडा नम्बर १५ नैकापमा रङ लगाउने क्रममा उनको २ तले घरको छतबाट खसेर मृत्यु भएको हो ।

मृत्यु हुनेमा नुवाकोटको पन्चकन्या गाउँपालिका वडा नम्बर १ घर भएका ४१ वर्षीय अणबहादुर थापा मगर रहेको जिल्ला प्रहरी परिसर काठमाडौंका प्रवक्ता नवराज अधिकारीले बताए ।

उनका अनुसार घरमा रङ लगाउने क्रममा खस्दा उनी घाइते भएका थिए । घाइते भएका उनलाई उपचारका लागि लैजाने क्रममा बाटोमै मृत्यु भएको प्रहरीले जनाएको छ ।

उक्त घटनाबारे थप अनुसन्धान भइरहेको प्रहरीले जनाएको छ ।