गेर्खुको सेतिदेवि मावि एसइईमा निल

नुवाकोट । गत साता सार्वजनिक भएको एसइई परिक्षाको नतिजामा विदुर नगरपालिकाको एक विद्यालयको नतिजा शून्य आएको छ ।

शिक्षा विकास तथा समन्वय इकाइ नुवाकोटको परिक्षा शाखा प्रमुख थपलियाका अनुसार विदुर नगरपालिका वडा नम्बर ११ गेर्खुमा रहेको सेतिदेवि मावि निल भएको हो ।

सेतिदेवि माविबाट ११ जना विद्यार्थीले परिक्षा दिएपनि कुनैपनि विद्यार्थी उतीर्ण हुन नसकेका हुन् । जिल्लामा रहेका अन्य ६ विद्यालय समेत निल भएका छन् ।

नुवाकोटबाट एसइईमा सहभागी कुल विद्यार्थी ४२.७ प्रतिशत मात्रै उत्तीर्ण भएका छन् ।

सहभागीमध्ये ५७.३० प्रतिशत अर्थात् दुई हजार एक सय ९९ विद्यार्थी ननग्रेड (अनुत्तीर्ण) भएको शिक्षा विकास तथा समन्वय इकाइ नुवाकोटले जनाएको छ ।