नुवाकोटबाट ४ जीपीए ल्याउने एक्ली छात्रा सिम्रिका

नुवाकोट । २०८० सालको माध्यमिक शिक्षा परीक्षा (एसईई) मा नुवाकोट जिल्लाबाट एकजना विद्यार्थीले मात्रै ४ जीपीए हासिल गरेका छन् ।

विदुर नगरपालिका वडा नम्बर २ बट्टारमा रहेको सुभेनियर बोर्डिङ स्कुलकी छात्रा सिम्रिका रिजालले ४ जीपीए ल्याएको शिक्षा विकास तथा समन्वय इकाई नुवाकोटले जनाएको छ ।

एसईईको ईतिहासमा नुवाकोटबाट यो आएको यो नजिता अहिलेसम्मकै उत्कृष्ट हो । नुवाकोटका कुनैपनि विद्यार्थीहरुले यस्तो सफलता यसअघि नपाएको सरोकारवालाहरु बताउँछन् ।

एसईईमा नुवाकोटबाट एकजनाले मात्रै ४ जीपीए ल्याएपछि सबैतिर उनको चर्चा शुरु भएको छ ।

उनलाई सम्मान गर्ने संघसंस्थाको समेत ताँती लाग्न थालेको छ ।