नुवाकोट जिल्ला लिग : स्थगित खेल सोमवार दिउँसो हुने

नुवाकोट । रेफ्रीको विवादास्पद निर्णयपछि शनिवार स्थगित भएको नुवाकोट जिल्ला लिग फुटवल प्रतियोगिताको फाइनल खेल सोमवार हुने भएको छ ।

नुवाकोट जिल्ला फुटवल संघको आईतवार वसेको बैठकले रेफ्रीको विवादास्पद निर्णयपछि शनिवार स्थगित भएको फाइनल खेल सोमवार सुचारु गर्ने निर्णय गरेको हो ।

बैठकले खेल सोमवार दिउँसो ४ बजेपछि खेल सुचारु गर्ने निर्णय गरेको नुवाकोट फुटवल संघका अध्यक्ष देवनारायण चित्रकारले विदुर खबरलाई जानकारी दिए । चित्रकारका अनुसार खेल ६६ औ मिनेटदेखि खेलाइने छ । उनका अनुसार न्यु ईनारपाटी युवा क्लबले हानेको गोल अफसाईट नै हुने र रेफ्रीको निर्णय नै अन्तिम रहने बताइएको छ ।

यसैविच नुवाकोट जिल्ला फुटवल संघले स्थगित फाईनल खेल सोमवार सुचारु गर्ने निर्णय गरेसँगै न्यु ईनारपाटी युवा क्लब पनि आन्तरिक छलफलमा जुटेको छ । क्लबले आफ्नो विमति हुँदाहुदै एन्फाले पुन खेल सुचारु गर्ने निर्णय गरेको भन्दै क्लब आन्तरिक छलफलमा जुटेको हो ।
उसले सोमवार विहान ९ बजे यस विषयमा जानकारी दिन पत्रकार सम्मेलन गर्ने तयारी गरेको छ ।

यसअघि शनिवार भएको फाइनल खेलकोे ६६ औ मिनेटमा न्यु ईनारपाटी युवा क्लबले गरेको गोललाई रेफ्री अफसाईड दिएपछि खेल मैदान केहीवेर तनावग्रस्त बनेको थियो ।

पहिला खेलका मुख्य रेफ्री दिनेश अधिकारीले गोल दिएपनि सहायक रेफ्री पुर्ण चित्रकार अफसाईटको ईसारा गरेपछि सो गोललाई अफसाईड घोषणा गरिएको थियो ।

त्यसपछि दर्शकले रेफ्री पुर्ण चित्रकारलाई मुक्का प्रहार गरेपछि खेल मैदान तनावग्रसत बनेको थियो । र्दशकहरु मैदानमा प्रवेश गरेपछि नेपाल प्रहरीले लठ्ठी चार्ज गरेको थियो ।

खेलमा विवाद शुरु हुनुभन्दा अघि बट्टार युथ क्लबले १–० गोल अन्तरले अगाडी थियो । बट्टारलाई अग्रता दिलाउन खेलको ४० औ मिनेटमा जर्सी नम्बर १५ का रितिक डोनाले गोल गरेका थिए ।