नुवाकोट जिल्ला लिग : न्यु ईनारपाटी युवा क्लब फाईनल प्रवेश

नुवाकोट । न्यु ईनारपाटी युवा क्लब नुवाकोट जिल्ला लिग फुटवल प्रतियोगिताको फाईनल प्रवेश गरेको छ ।

शुक्रवार भएको दोस्रो सेमिफाईनल खेलमा ईनारपाटीले थ्रि डि युवा क्लबलाई ट्राइब्रेकरमा ३–१ को गोल अन्तरले पराजित गर्दै फाईनल प्रवेश गरेको हो ।

निर्धारित समयमा दुबै टोलीले गोल गर्न नसकेपछि खेल ट्राइब्रेकरतर्फ धकेलिएको थियो ।

थ्रिडि युवा क्लबका दुई खेलाडीले प्रहार गरेको वल पोष्टभन्दा वाहिर जानु र एक प्रहार ईनारपाटीका गोलकिपरले बचाउँदा थ्रिडि प्रतियोगिताबाट बाहिरिएको हो ।

खेलको म्यान अफ दि म्याच उत्कृष्ट प्रर्दशन गरेका ईनारपाटीका गोलरक्षक मनिस प्याकुरेल घोषित भए ।

प्रतियोगिताको फाईनल पुगेको न्यु ईनारपाटी युवा क्लबले उपाधिको बट्टार युथ क्लबसँग प्रतिष्पर्धा गर्नेछ ।

लिगको विजेताले ५० हजार रुपैयाँ र उपविजेताले २५ हजाररुपैयाँसहित ट्रफी, मेडल र प्रमाणपत्र पाउने नुवाकोट फुटवल संघका अध्यक्ष देवनारायण चित्रकारले जानकारी दिए ।