नुवाकोट जिल्ला लिग : बट्टार युथ क्लब फाईनलमा

नुवाकोट । बट्टार युथ क्लब नुवाकोटको बट्टारमा जारीे नुवाकोट जिल्ला लिग फुटवल प्रतियोगिताको फाईनल प्रवेश गरेको छ ।

नुवाकोट आर्दश बहुमुखी क्याम्पसको खेल मैदानमा शुक्रवार सम्पन्न पहिलो सेमिफाईनलमा तप्त युवा क्लबलाई ४–१ को गोल अन्तरले पराजित गर्दै बट्टार युथ क्लब उपाधि नजिक पुगेको हो ।

बट्टार युथ क्लबलाई विजयी गराउन सन्तोष थापाले (तीन गोल) ह्याट्रिक गरे । थप एक गोल ईशान शाहले गरेका थिए ।

थापाले खेलको ३३, ४३, ७८ औ मिनेटमा गोल गर्दै ह्याट्रिक पुरा गरेका थिए । खेलको म्यान अफ दि म्याच खेलमा तीन गोल गरेका सन्तोष नै घोषित भए ।

फाईनल प्रवेश गरेको बट्टार युथ क्लबले उपाधिको लागि थ्रिडि युथ क्बल र न्यु ईनारपाटी युवा क्लबबीचको विजेतासँग शनिवार प्रतिष्पर्धा गर्नेछ ।
लिगको विजेताले ५० हजार रुपैयाँ र उपविजेताले २५ हजाररुपैयाँसहित ट्रफी, मेडल र प्रमाणपत्र पाउने छन् ।