नुवाकोट जिल्ला लिग : न्यु ईनारपाटी युवा क्लब सेमिफाईनल प्रवेश

नुवाकोट । न्यु ईनारपाटी युवा क्लब नुवाकोटको बट्टारमा जारीे नुवाकोट जिल्ला लिग फुटवल प्रतियोगिताको सेमिफाईनल प्रवेश गरेको छ ।

नुवाकोट आर्दश बहुमुखी क्याम्पसको खेल मैदान बट्टारमा बिहिबार सम्पन्न खेलमा नुवाकोट युनाइटेड फुटवल क्लबलाई ट्राइब्रेकरमा ५–४ गोल अन्तरले पराजित गर्दै न्यु ईनारपाटी युवा क्लब फाईनल प्रवेश गरेको हो ।

निर्धारित समयमा दुबै टिमले गोलरहित वरावरी खेलेपछि खेल ट्राइब्रेकरमा धकेलिएको थियो । नुवाकोट युनाइटेड फुटवल क्लबका जर्सी नम्बर १० का संजोक कोइरालाको प्रहार पोलमा लागेर फर्किएपछि खेलमा न्यु ईनारपाटी युवा क्लब ५–४ गोल अन्तरले विजयी भएको थियो ।

सेमिफाईनल प्रवेश गरेको न्यु ईनारपाटी युवा क्लबले फाईनल प्रवेशको लागि थ्रि डि र बनदेवि विचको विजेतासँग प्रतिष्पर्धा  गर्ने छ ।

लिगको विजेताले ५० हजार रुपैयाँ र उपविजेताले २५ हजाररुपैयाँसहित ट्रफी, मेडल र प्रमाणपत्र पाउने नुवाकोट फुटवल संघका अध्यक्ष देवनारायण चित्रकारले जानकारी दिए ।