होटल वाटर टावरले ल्यायो विश्व कप लक्षित ‘प्रेडिक्ट एण्ड वीन’ क्याम्पेन

नुवाकोट । नुवाकोटको विदुर ४ बट्टारमा रहेको सिद्धार्थ होटल वाटर टावरले नेपाल र नेदरल्यान्ड बिचको क्रिकेट खेलमा सबैभन्दा बढी रन बनाउने नेपाली खेलाडीको नाम सही अनुमान गर्ने दुई जनालाई एक रातको लागि निःशुल्क रुम तथा ब्रेकफास्ट प्रदान गर्ने घोषणा गरेको छ ।

पछिल्लो समय नेपालमा बढ्दै गएको क्रिकेटको क्रेज र नेपाली टोलीले विश्वकप खेल्न लागेको खुसियालीमा यो घोषणा गरिएको सिद्धार्थ हस्पिटालिटिका क्लस्टर म्यानेजर किरण रिमालले बताए ।

होटलको विशेष अफरले नेपाली क्रिकेट प्रेमीहरुलाई खेलसँग अझ नजिक ल्याउने र खेलाडीहरुलाई पनि उत्साहित गर्ने लक्ष्य राखेको छ ।
यो अफरमा भाग लिन चाहनेहरुले खेल सुरु हुनु अगाडि आफ्नो अनुमान होटलको आधिकारिक वेबसाइट वा सोशल मिडिया पेज मार्फत पठाउन सक्नेछन् ।

सही अनुमान गर्ने दुई जना भाग्यशालीलाई होटलले एक रातको लागि निःशुल्क रुम तथा ब्रेक फास्टको सुविधा प्रदान बताएको छ ।
सिद्धार्थ हस्पिटालिटिले आफ्ना सबै शाखाहरुमा नेपाल सहभागी हुने सबै खेलहरुमा यस्तै प्रकारको अफर राखेको र अन्य देशहरुको खेलमा समेत विभिन्न उपहारहरुको घोषणा गरेको छ ।

यस अभियानको मुख्य उद्देश्य नयाँ खेलाडीहरुलाई प्रोत्साहन प्रदान गर्नुका साथै खेलप्रेमीहरुलाई मनोरञ्जन प्रदान गर्नु रहेको छ ।

सिद्धार्थ हस्पिटालिटिले यसअघि पनि विभिन्न खेलकुद गतिविधिहरुलाई प्रोत्साहन गर्न विभिन्न कार्यक्रमहरु गर्दै आएको छ । र आगामी दिनमा पनि यस्ता कार्यक्रमहरु गर्दै जाने योजना होटलको रहेको छ ।