नुवाकोट जिल्ला लिगमा आकाशको किर्तिमानी गोल

नुवाकोट । नुवाकोटको बट्टारमा गत मंगलवारदेखि शुरु भएको जिल्ला लिग फुटवल प्रतियोगितामा आकाश रानामगरले किर्तिमानी गोल गरेका छन् ।

विदुरको बनदेवि युवा क्लबका कप्तान आकाश रानामगरले खेल शुरु भएको चार सेकेन्डमै गोल गर्दे किर्तिमान बनाएका हुन् ।

उनले बुधवार न्य स्टार क्लबविरुद्ध खेल सुरु भएको चार सेकेन्डमै गोल गर्दै नयाँ कीर्तिमान बनाएका हुन् । उनले रेफ्रीले खेल सुरु गर्न अनुमति दिने मध्यभागबाट वल प्रहार गर्दा सीधै गोल भएको थियो ।

विदर नगरपालिकाको बारुण यन्त्र विभागमा अस्थायी रूपमा कार्यरत उनी लामो समयदेखि व्यवसायिक रूपमा नुवाकोटमा फुटबल खेल्दै आइरहेका छन् ।

नुवाकोट फुटबल संघको आयोजनामा भइरहेको प्रतियोगितामा जिल्लाका १२ क्लब सहभागिता रहेको छ ।

प्रतियोगिताको विजेताले ५० हजार रुपैयाँ र उपविजेताले २५ हजार रुपैयाँसहित ट्रफी, मेडल प्रमाणपत्र प्राप्त गर्नेछन् ।

प्रतियोगिता आगामी जेठ २६ गतेसम्म सञ्चालन हुनेछ ।