नुवाकोट जिल्ला लिगको ड्र सार्वजनिक

नुवाकोट । नुवाकोट फुटवल संघको आयोजनामा मंगलबारदेखि हुने नुवाकोट जिल्ला लिग फुटवल प्रतियोगिताको ड्र सार्वजनिक गरिएको छ ।

जेठ १५ गतेदेखि हुने २६ गतेसम्म नुवाकोट आर्दश बहुमुखी क्याम्पसको खेल मैदानमा हुने प्रतियोगिताको ‘ड्र’ सार्वजनिक भएको गरिएको हो ।
‘ड्र’ अनुसार लिगको उद्घाटन खेलमा न्यु ईनारपाटी युवा क्लबले पिपलटार फुटवल क्बलसँग प्रतिस्पर्धा गर्नेछ ।

लिगमा जिल्लाका १२ वटा क्लब सहभागी रहेका छन् । जसलाई ४ समूहमा विभाजन गरिएको छ ।

समूह ‘ए’ मा न्यु ईनारपाटी युवा क्लब, पिपलटार फुटवल क्लब र बट्टार युथ क्लब रहेका छन् । समूह ‘बी’ मा वनदेवी युवा क्लब, तप्त युवा क्लब र न्यु स्टार क्लब रहेका छन् । यस्तै समूह ‘सी’ मा देविघाट जालपा क्लब, कोलनी युथ सर्कल र नुवाकोट युनाइटेड फुटवल क्लब रहेका छन् ।

त्यस्तै समूह ‘डी’ मा न्यू भिजन युथ क्लब, युनिक ब्वाईज स्पोर्टस क्लब र थ्रि डि युवा क्लब रहेका छन् ।

लिगको विजेताले ५० हजार रुपैयाँ र उपविजेताले २५ हजाररुपैयाँसहित ट्रफी, मेडल र प्रमाणपत्र पाउने नुवाकोट फुटवल संघका अध्यक्ष देवनारायण चित्रकारले जानकारी दिए ।

लिगको खेलहरू बैशाख १२ गतेदेखि २६ गतेसम्म सञ्चालन हुनेछन् । लिगको उद्घाटन दिनमा एक खेल हुने र अन्य दिन २÷२ खेल हुनेछ ।
क्वाटफाईनलका खेलहरु २३ र २४ गते हुने छन् भने २५ गते सेमिफाइनल र २६ गते फाइनल खेल हुनेछ ।

जिल्ला लिगमा सहभागि भएका १२ क्लबमध्ये दुई क्लब घटुवामा पर्नेछन् । यसअघि कोरोना महामारीका कारण दुई वर्ष जिल्ला लिग हुन सकेको थिएन ।

यसअघि भएको जिल्ला लिगको उपाधि नुवाकोट युनाईटेड फुटवल क्लबले उचालेको थियो । फाइनलमा न्यू स्टार क्लबलाई ३–१ गोल अन्तरले हराउँदै नुवाकोट युनाईटेड च्याम्पियन बनेको थियो ।

यस्तो छ जिल्ला लिगको ड्र तालिका ।