धादिङमा ट्रक र मोटरसाइकल ठोक्किँदा एक जनाको मृत्यु

विदुर खबर २०८१ जेठ ४ गते १९:३८

नुवाकोट । पृथ्वी राजमार्गअन्तर्गत धादिङको गजुरी गाउँपालिका-१, गजुरी बजारमा ट्रक र मोटरसाइकल ठोक्किँदा एक जनाको मृत्यु भएको छ। दुर्घटनामा एकजना घाइते भएका छन्।

मलेखुबाट काठमाडौंतर्फ जाँदै गरेको प्रदेश ३-००६-प-२५८७ नम्बरको मोटरसाइकल र काठमाडौंबाट मलेखुका लागि छुटेको ना.६ख २९२ नम्बरको ट्रक धादिङको गजुरी बजारमा ठोक्किँदा मोटरसाइकल चालक धादिङ सिद्धलेक ६ का अन्दाजी १९ वर्षीय सनी घलेको मृत्यु भएको हो।

मोटरसाइकलको पछाडि बसेका गजुरी १, सुन्दरगाउँका अन्दाजी २५ वर्षीय सुविन नेपाली घाइते भएको जिल्ला प्रहरी कार्यालय धादिङले जानकारी दिएको छ।