तेस्रो एनयुएफसी कप फुटवल : जेडि बोर्डिङको विजयी शुरुवात

नुवाकोट । नुवाकोटको बट्टारमा तेस्रो एनयुएफसी छात्र तथा छात्रा अन्तर विद्यालय जिल्लास्तरिय फुटबल प्रतियोगितामा जेडि बोर्डिङ स्कुलले विजयी शुरुवात गरेको छ ।

आज भएको उद्घाटन खेलमा जेडिले शुभेनियर स्कुललाई ४–० गोल अन्तरले प।ाजित गर्दै क्वाटरफाईनल प्रवेश गरेको छ । आज जेडिलाई विजय गराउन ईमन कुमालले खेलको ६२ र ७५ मिनेटमा गोल गरेका थिए ।

त्यस्तै खेलको १२ मिनेटमा शुभेनियरका रिन्चेत लामाले आत्मघाती गोल गरेका थिए । थप एक गोल खेलको ६५ औ मिनेटमा सक्षम घिमिरेले गरेका थिए ।

प्रतियोगितामा विजयी भएको जेडिले सेमिफाइनल प्रवेशको लागि अर्किड एकेडेमी र संस्कृत माविको विजेतासँग मंगलवार प्रतिष्पर्धा गर्नेछ ।
प्रतियोगिता अन्र्तगत शनिवारको पहिलो खेलमा अर्किड एकेडेमी र संस्कृत मावि देविघाटको खेल विहान ८ बजे हुने छ ।

नुवाकोट युनाइटेड फुटबल क्लबको आयोजना तथा अन्नपुर्ण निर्माण सेवा प्रालिको मुख्य प्रायोजनमा भएको प्रतियोगिता आगामी शनिवारसम्म संचालन हुने छ ।

नुवाकोट आर्दश बहुमुखी क्याम्पसको खेल मैदानमा भइरहेको प्रतियोगितामा जिल्लाका विभिन्न १७ विद्यालयको सहभागिता रहेको छ ।प्रतियोगितामा छात्रतर्फ प्रथम र द्वितीय हुनेले क्रमशः ३० हजार र १५ हजार रुपैयाँ नगद राशीसहित मेडल, ट्रफी र प्रमाणपत्र प्राप्त गर्ने क्लबका अध्यक्ष कोइरालाले जानकारी दिए ।

यस्तै, छात्रातर्फ प्रथम र द्वितीय हुनेले क्रमशः १५ हजार र ७ हजार रुपैयाँ नगद राशीसहित मेडल, ट्रफी र प्रमाणपत्र प्राप्त गर्नेछन् ।
प्रतियोगिता नकआउटका आधारमा खेलाइने छ । प्रतियोगितामा छात्रतर्फ १६ टिम रहेका छन् भने छात्रातर्फ ६ टिम रहेको आयोजकले जानकारी दिएको छ ।

प्रतियोगितामा अनुशासित टिम, उत्कृष्ट खेलाडी, उत्कृष्ट गोलरक्षक र उत्कृष्ट प्रशिक्षकलाई समेत मेडल, ट्रफी र प्रमाणपत्रको व्यवस्था गरिएको क्लबका अध्यक्ष कोइरालाले जानकारी दिए ।

प्रतियोगिताको अनुमानित लागत झण्डै साढे ६ लाख रुपैयाँ रहेको आयोजकले जानकारी दिएको छ ।