नुवाकोटको सुर्यकुण्ड जलविद्युत कम्पनिले आईपीओ निष्काशन गर्ने

नुवाकोट। नुवाकोटको सुर्यकुण्ड हाइड्रो इलेक्ट्रिकले आईपीओ जारी गर्ने भएको छ ।

कम्पनीले १०० अंकत २० लाख कित्ताले हुने २० करोड रुपैयाँ बराबरको आईपीओ जारी गर्न लागेको हो ।  कम्पनीले नेपाल एसविआई मर्चेण्ट बैकिङ्ग निष्काशन तथा बिक्रि प्रबन्धकको रुपमा नियुक्त गरेको जनाएको छ । हाइड्रोका तर्फबाट अध्यक्ष सतिश न्यौपाने र मर्चेण्टका तर्फबाट प्रवन्ध सञ्चालक तथा प्रमुख कार्यकारी अधिकृत लेखनाथ पोख्रेलले सोमबार सम्झौता पत्रमा हस्ताक्षर गरेका हुन् ।

सुर्यकुण्डले नुवाकोट जिल्लाको दुप्चेश्वर गाउँपालिका वडा नं. १ स्थित अप्पर तादी खोला हाईड्रोपावर प्रोजेक्टमा ११ मे.वा. क्षमताको विद्युत आयोजना निर्माण गरिरहेको छ । आयोजनाको निर्माण कार्य करिव ५० प्रतिशत सम्पन्न भईसकेको कम्पनीले जनाएको छ ।

आयोजनाको कूल लागत रु २२० करोड रहने र आयोजनाको लागि आवश्यक ऋण रु १३५ करोड नेपाल एस.वि.आई बैंकको एकल लगानीबाट सम्पन्न भएको छ ।

यस कम्पनीमा अपि पावर कम्पनीकोे बहुमत शेयर लगानी रहेको छ । आयोजनामा भारतको फ्लोवेल इनर्जी कम्पनीबाट निर्मित अत्याधुनिक इलेक्ट्रोमेकानिकल समाग्रीहरु जडान गरि अवको १० महिना भित्र आयोजना संचालनमा ल्याउने कम्पनीले जनाएको छ ।

यस आयोजनाबाट उत्पादित विद्युत शक्ति ३३ के.भि डबल सर्किट लाईनबाट ८ किलोमिटर टाढा रहेको समुन्द्रटार सवस्टेशनमा जडान गरि सो विद्युत मातातिर्थ, काठमाडांै सवस्टेशनमा ल्याइनेछ ।

यस समुहबाट प्रवद्र्धित कम्पनीहरुबाट हाल सम्म १०० मेगावाट भन्दा बढि विद्युत उत्पादन भएको छ ।