आठौँ नुवाकोट महोत्सव आजदेखि शुरु

नुवाकोट । आठौँ नुवाकोट महोत्सव आजदेखि शुरु भएको छ ।

नुवाकोटको विदुर ४ विदुरमा भएको महोत्सवको प्रधानमन्त्रि पुष्पकमल दाहालले उद्घाटन गरेका हुन् । महोत्सवको उद्घाटन गर्दै प्रधानमन्त्री दाहालले प्रचण्डले पासाङल्हामु राजमार्ग अन्र्तगत रहेको रानीपौवा–पिपलटार सडकखण्डको निर्माणको लागि बजेट विनियोजन गर्ने प्रतिवद्धता व्यक्त गरेका छन् ।

प्रधानमन्त्री प्रचण्डले नुवाकोट जिल्लाको विकास निर्माणसँग सम्बन्धित, शिक्षा स्वास्थ्य र रोजगारीसँग सम्बन्धित कुराहरुलाई आउने निति तथा कार्यक्रम र बजेटमा अधिकतम ध्यान दिएर बजेट विनियोजन गर्ने प्रतिबद्धता व्यक्त गरे ।

उनले नुवाकोटको मात्र नभई देशकै आर्थिक विकासको निम्ती टोखा–छहरे सडकमार्ग अगाडी बढीरहेको भन्दै पहिले डिपिआर तयारी गर्ने काम भइरहेको बताए ।

उनले नुवाकोटको ऐतिहासिक साततले दरवारको पुननिर्माण अझै हुन नसकेको भन्दै यसले नुवाकोटको पर्यटनको क्षेत्रमा धक्का लागेकोले आगामी वर्षको निति कार्यक्रम र बजेटमा नुवाकोट दरवार पुननिर्माणको कामलाई अगाडी बढाउने बताए।