विदुर मेयर कप फुटबल : म्यागङ गाउँपालिका फाईनल प्रवेश

नुवाकोट। म्यागङ गाउँपालिका नुवाकोटको बट्टारमा जारी विदुर मेयर कप फुटबल प्रतियोगिताको फाईनलमा प्रवेश गरेको छ ।

नुवाकोट आदर्श बहुमुखी क्याम्पसको खेल मैदान बट्टारमा केहि बेरअघि सम्पन्न खेलमा सुर्यगढी गाउँपालिकालाई १-० गोल अन्तरले पराजीत गर्दै म्यागङ गाउँपालिका उपाधि नजिक पुगेको हो ।

म्यागङ गाउँपालिकालाई विजयी गराउन खेलको ६७ औ मिनेटमा जर्सी नम्बर १० का तेज वहादुर घलेले निर्णायक गोल गरेका थिए ।

खेलको‌ म्यान अफ दि म्याच निर्णायक गोल गर्ने तेजबहादुर घले नै घोषित भए ।

म्यागङ गाउँपालिकाले उपाधिको लागि आजै हुने शिवपुरी गाउँपालिका र विदुर नगरपालिकाविचको विजेतासँग उपाधिको लागि आईतबार प्रतिष्पर्धा गर्नेछ ।