विदुर मेयर कप : बेलकोगढी र किस्पाङले बरावरी खेले

नुवाकोट । नुवाकोटको बट्टारमा जारी विदुर मेयर कप फुटवल प्रतियोगिता अन्र्तगत आज भएको दोस्रो खेलमा बेलकोगटढी नगरपालिका र किस्पाङ गाउँपालिकाले ३÷३ गोलको बरावरी खेलेका छन् ।

समुह बि अन्र्तगत केही बेरअघि सम्पन्न निकै प्रतिष्पर्धात्मक खेलमा दुबै टोलीले पाएको अवसरलाई गोलमा परिणत गर्दै वरावरी खेलका हुन् । खेलमा लगातार अग्रता बनाएको किस्पाङ गाउँपालिका रक्षात्मक बन्न नसक्दा खेल बरावरीमा सकिएको हो ।

खेलको छैठौँ मिनेटमा गोल गर्दै अग्रता बनाएको किस्पाङले २२ औ मिनेटमा अग्रता दोब्बर बनाएको थियो । तर खेलको ३८ औ मिनेटमा गोल गर्दै बेलकोटगढी नगरपालिकाले खेल अन्तर २÷१ को अन्तरमा झारेको थियो ।

तर खेलको ४३ औ मिनेटमा किस्पाङ गाउँपालिकाले पुन : गोल गर्दै खेल ३–१ को अवस्थामा पुराएका थिए ।
खेलको दोस्रो हाफमा बेलकोगढी नगरपालिकाले पेनाल्टी पायो र त्यसलाई गोलमा परिणत गर्दै कप्तान विवश लामाले खेल ३–२ को अवस्थामा पुगेको थियो ।

त्यसपछि खेलको ७३ औ मिनेटमा बेलकोटगढी नगरपालिकाका लागि कप्तान विवशले पुन गोल गर्दै खेल तीन÷तीन गोलको वरावरीमा पुराएका थिए ।

त्यसपछि खेलमा कुनै गोल भएन र दुबै टोलीले समान एक÷एक अंक बाँडेका छन् ।