विदुर मेयर कप फुटवल : म्यागङ गाउँपालिकाको विजयी शुरुवात

नुवाकोट । नुवाकोटको विदुर नगरपालिकामा आजदेखि शुरु भएको विदुर मेयर कप फुटवल प्रतियोगितामा म्यागङ गाउँपालिकाले विजयी शुरुवात गरेको छ ।

नुवाकोट आर्दश बहुमुखी क्याम्पसको खेल मैदान बट्टारमा केही वेरअघि सम्पन्न भएको खेलमा घरेलु टोली विदुर नगरपालिकालाई स्तब्ध पार्दै म्यागङ गाउँपालिकाले विजयी शुरुवात गरेको हो ।

म्यागङ गाउँपालिकालाई जिताउन खेलको दोस्रो हाफमा जर्सी नम्बर १० का तेजवहादुर घलेले गोल गरेका थिए । त्यसपछि खेलमा कुनै गोल भएन र म्यागङ पहिलो खेलमै विजयी हात पा¥यो ।

यसअघि पहिलो हाफमा विदुर नगरपालिकाले दुईपटक गोल गर्ने सुन्दर अवसर खेर फालेको थियो । समुह सि मा तीन अंक जोड्दै म्यागङ शीर्ष स्थानमा उक्लिएको छ ।

खेलको म्यान अफ दी म्याच समेत खेलमा निर्णायक गोल गरेका घले नै घोषित भए । उनले एक हजार रुपैयाँ प्राप्त गरे ।

प्रतियोगिताको बिजेताले ४ लाख ४ हजार ४ सय ४४ रुपैयाँ र उपबिजेताले २ लाख २ हजार २ सय २२ रुपैयाँ पुरस्कार पाउने आयोकजक विदुर नगरपालिकाका मेयर राजन श्रेष्ठले बताए ।

प्रतियोगितामा नुवाकोटका दुई नगरपालिका र १० गाउँपालिकासहित १२ टोलिले सहभागिता जनाएका छन् । प्रतियोगिता यहि माघ २० गतेसम्म संचालन हुने छ ।

प्रतियोगिता अन्र्तगत आईतवार तीन खेल हुनेछ । पहिलो खेलमा ककनी गाउँपालिका र लिखु गाउँपालिका भिड्ने छन् भने दोस्रो खेलमा बेलकोटगढी नगरपालिका र किस्पाङ गाउँपालिकाविच प्रतिष्पर्धा हुने छ । यस्तै भोलिकै अन्तिम खेलमा सुर्यगढी गाउँपालिका र तारकेश्वर गाउँपालिकाको खेल हुने छ ।