बालबालिकाको निशुल्क स्वास्थ्य विमा

नुवाकोट । विदुर नगरपालिका वडा नम्बर ५ मा रहेको च्वाडी पब्लिक माध्यमिक विद्यालयको बौद्धिक अपाङ्गता सोत कक्षाका १३ बालबालिकाको निशुल्क स्वास्थ्य विमा गरिएको छ ।

विदुर नगरपालिका वडा नम्बर ५ को कार्यालयले बालबालिकाको निशुल्क स्वास्थ्य विमा गरिदिएको हो । आवासीय सेवासहित सञ्चालनमा रहेको बौद्धिक अपाङ्गता स्रोत केन्द्रका १२ बालिका र एक बालकको पत्येक परिवारका संरक्षक तथा अभिभावक गरी पाँचजनाको बिमा गरिएको जानकारी सोतकक्षा शिक्षक मीरा थापाले दिइन् ।

उक्त बिमा नवीकरण वार्षिक रूपमा गर्नुपर्नै भएपनि यो सेवा निरन्तर रूपमा स्वास्थ्य बिमाबाट पाइरहने जानकारी च्वाडी पब्लिक माध्यमिक विद्यालयका प्रधानाध्यापक द्वारिकाप्रसाद पाण्डेले दिए ।