श्रीकृष्ण माविको मैदान छिटो स्तरोन्नति गर्न अधिकारीको निर्दैशन

नुवाकोट । नुवाकोटको तारकेश्वर गाउँपालिकाका अध्यक्ष शिव अधिकारीले वडा नम्बर २ मा रहेको श्रीकृष्ण उच्च माध्यामिक विद्यालयको खेलकुद मैदानको तत्काल स्तरोउन्नति गर्न आग्रह गरेका छन् ।

शुक्रवार गाउँपालिकाका अध्यक्ष अधिकारीले मैदानको निरिक्षण गर्दे तत्काल राष्ट्रियस्तरको  खेलकुद मैदान बनाउन निर्देशन दिएका हुन् ।

मैदानको अवलोकनपछि अध्यक्ष अधिकारीले सो मैदानको स्तरोन्नति गरि तत्काल राष्ट्रियस्तरको बनाउन र खेलाडीहरुको आवश्यकतालाई ध्यान दिन सरोकारवालाहरुको समेत ध्यानाकर्षण गराएका छ्न ।

अध्यक्ष अधिकारीले मैदानको स्तरउन्नतिको लागि आफुले आवश्यक सहयोग गर्ने प्रतिबद्धता समेत जनाएका छन् ।
मैदानको स्तरोन्नतिले स्थानीय खेलकुदको विकासमा नयाँ आयाम थप्ने उहाँको विश्वास छ ।