नुवाकोटको विदुरबाट वडाध्यक्ष परस्त्रीसहित रंगेहात पक्राउ

नुवाकोट । नुवाकोट को म्यागङ गाउँपालिका वडा नम्बर ३ का अध्यक्ष हरीबहादुर तामाङ परस्त्रीसहित होटलबाट रंगेहात पक्राउ परेका छन ।

विदुर नगरपालिका वडा नम्बर २ को एक होटलबाट उनी  रंगेहात पक्राउ परेका हुन । जिल्ला प्रहरी कार्यालय नुवाकोटले घटना बिबरण बताउन नचाहे पनि पक्राउको भने पुष्टि गरेको छ ।

महिलाको श्रीमानको उजुरीको आधारमा पक्राउ गरिएको प्रहरी स्रोतले बताएको छ । बैदेशिक रोजगारीको शिलशिलामा देशबाहिर रहेपछि वडा अध्यक्ष तामाङले ती महिलासँग समय बिताउने गरेका थिए ।

महिलाको श्रीमानको सूचनापछि प्रहरीले होटलबाटै उनीहरूलाई पक्राउ गरेको हो । तामाङ गत स्थानीय तह निर्वाचनमा ७९० मतसहित विजयी भएका थिए ।

उनी नेपाली कांग्रेसबाट वडाध्यक्षमा निर्वाचित भएका हुन् । उनले नेकपा मओवादी केन्द्रका बुद्धि बहादुर तामाङलाई पराजित गरेका थिए ।