दुप्चेश्वरमा पहिरोले पशुसहित गोठ बगाउँदा ५ लाखको क्षति

नुवाकोट । अविरल वर्षाका कारण दुप्चेश्वर गाउँपालिका-४ गोल्फुभन्ज्याङमा पहिरोले एक स्थानीयको गोठ बगाउँदा पाँच लाख बराबरको क्षति भएको छ ।

स्थानीय श्याम गुरुङको गोठ बगाउँदा एउटा भैंसी, ६ वटा बाख्रा मरेका छन् ।

गोठभन्दा माथिबाट पहिरो गएपछि त्यहाँको स्थानीय सडक खण्डसमेत अवरुद्ध भएको वडाध्यक्ष ज्ञानबहादुर तामाङले जानकारी दिए ।

घर र गोठ अलग्गै भएकाले कुनै मानवीय क्षति भने नभएको उनले बताए ।