Advertisement

नुवाकोटको मेघाङ गाउँपालिकामा दुर्घटनाग्रस्त भएको सूचना स्थानीयबाट प्राप्त भएको र १० जनाको प्रहरी टोली पठाइएको धादिङका एसपी डम्बरबहादुर विकले बताए । घटनास्थल दुर्गममा पर्ने भएकाले प्रहरी अझै पुग्न सकेको छैन। यता नुवाकोटका प्रमुख जिल्ला अधिकारी उद्दव बहादुर थापाले पनि घटनाबारे आधिकारिक पुष्टि हुन नसकेको बताएका छन् । नुवाकोट प्रहरी कार्यालयका एसपी बसन्त बहादुर कुँवरको नेतृत्वमा प्रहरी र सेनाको टोली घटनास्थलतर्फ लागेका छन् । घटनास्थल भनिएको ठाउँ ठूलो जंगल रहेको र त्यहाँ बाक्लो कुहिरो लागेकाले घटनास्थलमा पुग्न गाह्रो भएको प्रमुख जिल्ला अधिकारी थापाले बताए ।