नुवाकोटको बट्टारस्थित एक घरमा दिउँसै चोरी

नुवाकोट । नुवाकोटको विदुर नगरपालिका वडा नम्बर ४ बट्टारको हावाघर नजिकै दिउँसै चोरी भएको छ ।

दिउँसोको समयमा मानिस नभएको मौका छोपी चोरले कोठाभित्रको सामान तथा पैसा चोरी गरेको हो । हावाघर पछाडी रहेको भिमसेनमार्गमा रहेको दिलवहादुर शाक्यको घरमा चोरी भएको हो ।

विहान करिव साढे ११ बजे खाना खाएर घरबाट निस्केका शाक्य राती ८ बजे घर फर्कदा घरमा चोरी भएको थाहा पाएपछि प्रहरीलाई खबर गरेका थिए ।

शाक्यको कोठाबाट ७ तोला सुनसहित नगद ४० हजार रुपैयाँ र एउटा चाँदीको करुवा चोरी भएको हो ।

चोरले घरको अगाडीको ताला फोरेर चुकुल लगाई पछाडीबाट भागेको प्रहरीले बताएको छ । स्थानियले भने चिनेजानेकै व्यक्तिले घरमा चोरी गरेको आशंका गरेका छन् ।

चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।