विदुर खानेपानी उपभोत्ता समितिको अध्यक्षमा श्रेष्ठ विजयी

नुवाकोट । विदुर खानेपानी सरसफाई तथा उपभोत्ता समितिको अध्यक्षमा संजीव श्रेष्ठ विजयी भएका छन् ।

नेपाली कांग्रेस, माओवादी केन्द्र र एकिकृत समाजवादीका साझा उम्मेद्धवार नेपाली कांग्रेसका छत्र वहादुर डंगोललाई पराजित गरि एमाले–राप्रपाका साझा उम्मेद्धवार रहेका एमालेका संजीव श्रेष्ठ अध्यक्षमा विजयी भएका हु्न् ।

यो समाचार तयार गर्दासम्म १७ सय ९० मत गणना हुँदा श्रेष्ठले एकहजार ५८ मत प्राप्त गर्दा गठबन्धनका उम्मेद्धवार डगोलले ६ सय ४५ मत प्राप्त गरेका छन् ।

श्रेष्ठ र डंगोलको मतान्तर ४ सय १३ मत रहेको छ । यस्तै खसेको २३ सय २५ मतमध्ये हालसम्म १७ सय ९० मत गणना गरिएको छ । अब ५ सय ३५ मत गणना गर्न बाँकी रहेको अवस्थामा श्रेष्ठले ४ सय १३ मतले अग्रता बनाएका छन् ।

यस्तै सचिवमा एमालेका उम्मेद्धवार राजेन्द्र पाण्डे पनि जित नजिक पुगेका छन् । पाण्डेले पाण्डेले एक हजार ३८ मत प्राप्त गर्दा गठबन्धनका नरेन्द्र वहादुर डंगोलले ६ सय ५ मत प्राप्त गरेका छन् ।

यस्तै अन्य पदाधिकारी र सदस्यहरुमा पनि एमालेकै उम्मेद्धवारहरु जित नजिक पुगेका छन् ।