विदुर ६ का वडाध्यक्ष राजु सडौला एकीकृत समाजवादी प्रवेश

नुवाकोट । नुवाकोटको विदुर नगरपालिका वडा नम्बर ६ का वडाध्यक्ष राजु सडौला नेकपा एकीकृत समाजवादी प्रवेश गरेका छन् ।

मंगलवार बट्टारमा नेकपा एकिकृत समाजवादीद्धारा आयोजित जिल्लास्तरीय कार्यकर्ता भेलामा विदुर नगरपालिका वडा नम्बर ६ मा एमालेबाट वडाध्यक्षमा निर्वाचित सडौला समाजवादी प्रवेश गरेका हुन् ।

सडौलासहित एमालेका एकसयभन्दा बढी नेता तथा कार्यकर्ता समाजवादी प्रवेश गरेका छन् । वडाध्यक्ष सडौलाले बाँदरको हातमा पार्टी पुगेको र विधि र प्रक्रियामा पार्टी संचालन नभएकोले आफुहरु एकीकृत समाजवादी प्रवेश गरेको बताए ।

उनले नेकपा एमालेका अध्यक्ष केपी शर्माओलीप्रति इंगित गर्दे ओलीलाई, लभ यु बा, ओलीलाई पुँजा गर्न नसकेकोले आफुहरु ओलीको रोजाइमा पर्न नसक्ने बताए ।

उनले वैशाख ३० गते हुने स्थानिय तहको निर्वाचनमा कलमले सुर्यलाई निषेध गर्ने र संसद विघटन धोका भएको प्रमाणित गरिदिन सबैलाई आग्रह गरे ।

कार्यक्रममा नेकपा एमाले र नेपाली कांग्रेसका गरि एकसयभन्दा बढी नेता तथा कार्यकर्ता एकिकृत समाजवादी प्रवेश गरेका थिए ।