नुवाकोटमा कोरोनाका सक्रिय संक्रमित २८ पुगे

नुवाकोट । नुवाकोमा कोरोनाका सक्रिय संक्रमितको संख्या २८ पुगेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ४ जना कोरोना संक्रमित निको भएर घर फर्किएसँगै जिल्लामा सक्रिय संक्रमित आज घटेको हो ।

यससँगै जिल्लामा कोरोना संक्रमणमुक्त हुनेको संख्या ९ हजार २ सय ७८ पुगेको कार्यालयका सुचना अधिकारी उत्तमराज खनालले जानकारी दिए ।

यस्तै जिल्लामा कोरोना संक्रमितको संख्या ९ हजार ३ सय ५८ पुगेको छ । जिल्लामा रहेका कोरोना संक्रमितमध्ये २६ जना आइसोलेसनमा र २ जना त्रिशुली अस्पतालको आइस्युमा उपचाररत रहेका छन् ।

नुवाकोटमा कोरोना संक्रमणबाट हालसम्म ५२ जनाको मृत्यु भएको छ ।

जिल्लामा हालसम्म ३० हजार ९ सय जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।