कालिका क्षेत्र संरक्षण समितिको अध्यक्षमा विष्णु आचार्य

रसुवा । रसुवाको कालिका गाउँपालिका वडा नम्बर २ मा रहेको कालिका क्षेत्र संरक्षण समितिको अध्यक्षमा विष्णु आचार्य निर्विरोध निर्वाचित भएका छन् ।

बुधवार भएको संरक्षण समितिको अधिवेशनले अध्यक्षमा स्थानिय समाजसेवी विष्णु आचार्यलाई निर्विरोध निर्वाचित गरेको हो ।
यस्तै समितिको उपाध्यक्षमा सरितम घिमिरे, सचिवमा ठाकुरप्रसाद न्यौपाने र कोषाध्यक्षमा गिता न्यौपाने चयन भएका छन् । त्यस्तै समितिका सदस्यहरुमा गौरी आचार्य, रिता श्रेष्ठ र राजन न्यौपाने चयन भएको कालिका क्षेत्र संरक्षण समितिको नवर्निर्वाचित अध्यक्ष विष्णु आचार्यले जानकारी दिए ।

रसुवाको कालिका गाउँपालिका वडा नम्बर २ कालिकास्थानमा रहेको कालिका मन्दिर संरक्षणको लागि उत्त समितिले काम गर्दै आएको छ । रसुवाको धार्मिक एवं पर्यटकीय स्थल गोसाइकुण्ड स्नान गरेपनि कालिका मन्दिरको दर्शन नगरेसम्म मोक्ष प्राप्त गर्न नसकिने कालिका क्षेत्र संरक्षण समितिका पुर्व अध्यक्ष टंकप्रसाद ढकालले जानकारी दिए ।

कालिका मन्दिरको नामले परिचित सो मन्दिर अहिले पन्चकालि मन्दिरको रुपमा चिनिन थालेको छ । केही महिनाअघि मन्दिरमा २२ दिनको तपश्या गरेपछि माता रोजिना तामाङले सो मन्दिरमा पन्चकालिको स्वरुप देखिएको जानकारी दिइन् ।

संरक्षण समितिको अध्यक्षमा निर्वाचित भएसँगै आचार्यले कालिका मन्दिर रसुवाको मात्र नभइ बाग्मति प्रदेशकै धर्म र संस्कृतिको संवाहक भएको भन्दै सो मन्दिरको संरक्षण र प्रवद्र्धनमा सबै लागि पर्ने बताए ।

आचार्यले धार्मिक पर्यटकीय स्थलको विकशका लागि सधै सबैसँग सहकार्य गर्न तयार रहेको बताए । उनले कालिका मन्दिर अधिक पर्यटकीय सम्भावना बोकेको क्षेत्रहरु मध्यको एक भएकाले यस क्षेत्रको अधुरा कामहरु पुरा गर्न सबैको हातेमालोको आवश्यकता रहेको बताए ।