२४ घण्टामा काेराेनाका कारण १४ जनाले ज्यान गुमाए

नुवाकोट । २४ घण्टामा थप तीन हजार १७५ जनामा कोभिड १९ संक्रमण पुष्टि भएको छ ।

सोहि अवधिमा संक्रमणका कारण १४ जनाले ज्यान गुमाएका छन्। स्वास्थ्य तथा जनसंख्या मन्त्रालयका अनुसार कुल १२ हजार ६०५ जनाको पीसीआर परीक्षण भएको थियो ।

१० हजार २६ पीसीआर परीक्षण गर्दा २ हजार ७४२ जनामा र २ हजार ५७९ जनाको एन्टीजेन परीक्षण गर्दा ४३३ जनामा संक्रमण पाइएको हो ।

बिहीबार ८ हजार ७२३ जनाले कोरोना संक्रमण जितेका छन् । यस्तै एक दिनमा काठमाडौं उपत्यकामा थप १ हजार ५०९ जनामा संक्रमण पुष्टि भएको छ । मन्त्रालयको तथ्यांक बमोजिम अनुसार काठमाडौंमा १,२४९, ललितपुरमा १८३ र भक्तपुरमा ७७ जनामा कोरोना संक्रमण देखिएको छ ।

यसरी नेपालमा कोरोना संक्रमितको कूल संख्या १० लाख ९५ हजार ६३ पुगेको छ भने निधन हुनेको संख्या ११ हजार ७७८ पुगेको छ । यस्तै हालसम्म ८ लाख ८७ हजार ४४३ जना संक्रमणमुक्त भएका छन् ।

हाल देशभरमा ६३ हजार २९६ सक्रिय संक्रमित छन्। यस्तै क्वारेन्टिनमा १३८ जना छन् ।