नेपालमा कोराेना संक्रमितको संख्या घट्दै

नुवाकोट । नेपालमा कोरोना संक्रमितको संख्या घटिरहेको छ । आइतबार नेपालमा थप तीन हजार ५४० जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयका प्रवक्ता डा. संगिता मिश्राका अनुसार २४ घण्टामा देशका विभिन्न प्रयोगशालामा गरिएको कुल १३ हजार १४५ परीक्षणमध्ये ९ हजार ९१० पीसीआर परीक्षणमा तीन हजार ४९ जना र तीन हजार २३५ एन्टिजेन परक्षिणका क्रममा ४९१ जनामा संक्रमण पाइएको हो ।

गत २४ घण्टामा भएको पीसीआर परीक्षणका आधारमा संक्रमण दर ३०.८ प्रतिशत रहेको पनि मन्त्रालयको पत्रकार सम्मेलनमा जानकारी दिइएको छ।

यसैगरी पछिल्लो २४ घन्टामा थप ६ हजार ३५९ जना कोरोना संक्रमणमुक्त भएर घर फर्किएका छन् । माघ १३ गतेदेखि माघ १६ गतेसम्मा नेपालमा कोरोनाका कारण थप ३२ जनाको मृत्यु भएको छ ।

हाल नेपालमा सक्रिय संक्रमितको संख्या ८३ हजार ९९९ रहेको छ ।