ईनारपाटीका वासु कुमालको दुप्चेश्वरमा मृत्यु

नुवाकोट । नुवाकोटको विदुर नगरपालिका वडा नम्बर ६ ईनारपाटीका वासु कुमालका मृत्यु भएको छ ।

उनको सोमबार दुप्चेश्वर गाउँपालिका मन्दिर जाँदै गर्दा बाटोमा मृत्यु भएको हो । वडा नम्बर ४ मा एकजना चालकको मृत्यु भएको छ । दुप्चेश्वर मन्दिरमा दर्शनार्थी लैजाने क्रममा उनको मृत्यु भएको हो ।

बा १ ज ९८४३ नम्बरको माइक्रो बसका चालक कुमाल गाडीको चालकसहित साहु समेत हुन । गाडी चलाउने क्रममा समुन्द्रटारबजार पुगेका उनले खोक्दा दुई पटक रगत बान्ता गरेका थिए ।

रगत बान्ता गरेपछि स्थानिय समुन्द्रटार स्वास्थ्यचौकीमा लगिएपनि कुमालको मृत्यु भइसकेको स्वास्थ्य चौकी इन्चार्ज रामकुमार थापाले जानकारी दिए ।

स्वास्थ्य चौकी इन्चार्ज थापाका अनुसार हार्टबिट फर्काउने कोशिस गरेपनि सफल नभएको बताए । उनको हर्टअट्याकका कारण मृत्यु भएको आशंका गरिएको छ । उनको शव समुन्द्रटार स्वास्थ्यचौकीमा राखिएको छ ।